Ciyaaryahanka Xulka Qaranka Soomaaliya isla markaana ka cayaara dalka Talyaaniga Ismaaciil Maxamed Cumar ayaa si weyn u taageeray Gabdhaha Soomaaliyed ee cayaara kubadda Kolayga kuwaas oo ka dhisan gudaha dalka Soomaaliya.

Isagoo u waramayay Saxaafadda ayaa waxaa uu sheegay inuu ku faraxsan yahay tartamada Kubadda Kolayga ee ka dhaca gudaha dalka, isagoo si gaar ah u soo qaatay naadiyada Horseed iyo Heegan oo ah Labo Naadi oo caan ah isla markaana ku wada jiraan Gabdhaha Qaranka u cayaara ee Kubadda Kolayga.

Laacibka Cayaara Kubadda Cagta Isla markaana muddooyinkan dambe ka dhex muuqday Xulka Qaranka Soomaaliya ayaa ugu baaqay dadka Soomaaliyed ee Dibadda ku dhaqan inay maalgelin ku sameeyaan Gabdhaha Kubadda Kolayga ee ku sugan gudaha dalka Soomaaliya.

“Waxaa Sharaf ii ah inaan taageero weyn u fidiyo Gabdhaha Soomaaliyed ee Cayaara Kubadad kolayga sida Heegan iyo Horseed, waxaan ku faraxsan nahay sida wacan ee u ilaaliyaan magaca Qarankeena Soomaaliyed”ayuu yiri Ismaaciil Maxamed Cumar.

Magaalada Muqdisho ee Caasimada dalka Soomaaliya waxaa ka dhisan dhawr naadi oo isugu jira Wiilal iyo Gabdha kuwaas oo Cayaara Kubadda Kolayga, waana tartamada kaliya ee hadda dalka ka socda oo ay dadweynaha si aad ah ula socdaan.

Gabdhaheena ka Cayaara Gudaha dalka, waxaan soo dhaweynaynaa guusha taariikhda ah ee uu Kubadda cagta ka gaaray Ismaaciil isagoo aan u dooranay Laacibka ugu wanaagsan dalka soomaaliya.

Kabtanada kooxaha Horseed, Heegan,Dekadaha,Dowladda hoose iyo kooxaha kale ee Gabdhaha Kubadda Kolayga, taageerayaasha waxaan soo dhaweynaynaa qiimeynta Cayaartoyda ee lagu soo bandhigay midnimo maanta kaas oo markii aynu aragnay ku faraxnay waayo waa markii ugu horeysay oo Cayaartoyda dalka qiimeyn lagu sameeyo awoodooda Ciyaaryahan iyo wixii ay shaqeysteen.

Marka la fiiriyo meelaha faraha badan ee Ismaaciil ka soo cayaaray wuxuu mudan yahay in loo aqoonsado geesiga Soomaaliya ee kubadda Cagta